Federata e Paravolejbollit e Kosovës ka nënshkruar Memorandum Bashkëpunimi për vitin 2026 me Ministrinë e Rinisë dhe Sportit

Federata e Paravolejbollit e Kosovës ka nënshkruar Memorandum Bashkëpunimi për vitin 2026 me Ministrinë e Rinisë dhe Sportit, duke shënuar një hap të rëndësishëm drejt avancimit dhe zhvillimit të mëtejmë të sportit të paravolejbollit në Kosovë.

Ky memorandum dëshmon përkushtimin e përbashkët për mbështetjen e sportistëve, fuqizimin e personave me aftësi të kufizuara përmes sportit dhe krijimin e mundësive të reja për zhvillimin e paravolejbollit në nivel vendor dhe ndërkombëtar.

Një falënderim i veçantë për Ministrin e Rinisë dhe Sportit, Z.Blerim Gashani, për përkrahje ndaj Federatës së Paravolejbollit të Kosovës, si dhe për rritjen e buxhetit, e cila do të ndikojë drejtpërdrejt në realizimin e aktiviteteve dhe zhvillimin e sportit të paravolejbollit në vendin tonë.

Mbështetja institucionale është motivim i madh për vazhdimin e punës sonë në zhvillimin e paravolejbollit dhe krijimin e mundësive të barabarta për sportistët tanë.