KAMPIONATI I KOSOVËS NË PARAVOLEJBOLL – KATEGORIA FEMRAT – Federata e Paravolejbollit e Kosovës

Për herë të parë, është zhvilluar finalja e kategorisë së femrave në paravolejboll, ndërmjet KPV “Fushë Kosova” dhe KPV “Prishtina”.

Kjo finale përfaqëson një moment të rëndësishëm për zhvillimin dhe avancimin e paravolejbollit të femrave në Kosovë. Pas një ndeshjeje finale të zhvilluar me përkushtim, fituese e kësaj finaleje është shpallur KPV “Fushë Kosova”, duke u kurorëzuar me titullin kampion.

Kupa e kampionatit u dorëzua nga Kryetarja e Federatës së Paravolejbollit të Kosovës, znj. Drilona Islami.

Medaljet u ndanë nga Nënkryetari i Federatës, z. Afrim Mena, dhe Sekretari i Federatës, z. Gëzim Brahimi.

Federata e Paravolejbollit e Kosovës uron KPV “Fushë Kosova” për suksesin e arritur, si dhe përgëzon KPV “Prishtina” për paraqitjen dinjitoze, si dhe falënderon të gjitha sportistet,stafin teknik si dhe akterët e përfshirë për kontributin e dhënë në organizimin dhe mbarëvajtjen e kësaj finaleje.

Falënderim i veçantë për Ministria e Kulturës, Rinisë dhe Sportit dhe Presidenca e Republikës së Kosovës.