FVK DHE FPVK NËNSHKRUAN MEMORANDUM BASHKËPUNIMI

Federata e Volejbollit e Kosovës (FVK) ka nënshkruar memorandum bashkëpunimi me Federatën e ParaVolejbollit të Kosovës (FPVK), me qëllim të mbështetjes dhe zhvillimit të aktiviteteve të paravolejbollit në vend.

Marrëveshja u zyrtarizua në një takim ku presidenti i FVK-së, Bahri Gjinovci, dhe sekretari i përgjithshëm, Valon Nikqi, pritën presidenten e FPVK-së, Drilona Islami, e shoqëruar nga sekretari i përgjithshëm, Gëzim Ibrahimi.

Ky memorandum shënon një hap të rëndësishëm drejt fuqizimit të sportit për persona me aftësi të kufizuara, duke krijuar hapësira të reja për përfshirje, bashkëpunim dhe zhvillim të paravolejbollit në Kosovë.

Po ashtu, marrëveshja parasheh edhe ngritjen e kapaciteteve profesionale për trajnerë, gjyqtarë dhe organizatorë, me synim që sporti i paravolejbollit të ketë një bazë të qëndrueshme e afatgjatë.

Ky bashkëpunim është dëshmi e përkushtimit të të dy federatave për të ngritur sportin në të gjitha nivelet, për të fuqizuar kapacitetet dhe për të promovuar barazinë përmes aktiviteteve sportive.

Recent Posts

3 Dhjetor – Dita Ndërkombëtare e Personave me Aftësi të Kufizuara September 25, 2026

Federata e Paravolejbollit e Kosovës zhvilloi një takim me përfaqësuesit e Shoqatës së Invalidëve të Luftës të UÇK-së – dega Prishtinë September 24, 2026

Faleminderit, Rotonda Volley! September 18, 2026